რომელი ელექტრომობილი ვიყიდოთ და რატომ – პასუხები ამ და სხვა ხშირად დასმულ შეკითხვებზე IM Motors Georgia-სგან

ელექტრომობილების მიმართ მზარდი ინტერესი ბუნებრივად ბადებს უამრავ კითხვას. ვინაიდან ეს ტექნოლოგია არსებითად განსხვავდება შიდაწვის ძრავის მქონე ავტომობილებისგან, გავრცელებული ინფორმაცია ხშირად ბუნდოვანი ან ურთიერთგამომრიცხავია.

ამ ბლოგში IM Motors Georgia, პრემიუმ კლასის ელექტრომობილების ოფიციალური წარმომადგენელი საქართველოში, ყველაზე ხშირად დასმულ კითხვებს პასუხობს. 

რომელი ელექტრომობილი უნდა ვიყიდო და რატომ?

უნივერსალური პასუხი ამ კითხვას არ აქვს და სწორი არჩევანი ყოველდღიურ საჭიროებებზეა დამოკიდებული. საორიენტაციოდ, მოდელები შემდეგნაირად შეიძლება განაწილდეს: 

IM5 არის პრემიუმ კლასის ელექტრო სედანი მათთვის, ვისაც სვლის დიდი მარაგი სჭირდება. 100 კვტ.სთ მოცულობის ბატარეით აღჭურვილი ვერსია ერთი სრული დამუხტვით, WLTP სტანდარტის მიხედვით, 710 კილომეტრამდე მანძილს ფარავს. შესაბამისად, ის ერთნაირად პრაქტიკულია როგორც ყოველდღიურად ქალაქში გადასაადგილებლად, ისე ქალაქგარეთ ხშირი მგზავრობისთვის. 

IM6 ელექტრო SUV-ია, რომელიც მათთვისაა განკუთვნილი, ვისთვისაც სივრცე, დინამიკა და თანამედროვე ტექნოლოგიები თანაბრად მნიშვნელოვანია. WLTP სტანდარტით განსაზღვრული 625 კილომეტრამდე სვლის მარაგისა და უსაფრთხოების თანამედროვე სისტემების წყალობით, მოდელი კომფორტულია როგორც ქალაქში, ისე ხანგრძლივი მგზავრობისას. 

IM L7 პრემიუმ კლასის ელექტრო სედანია, რომელიც კომფორტსა და სიმძლავრეს აერთიანებს. 100 კვტ.სთ ბატარეით მოდელი ერთი დამუხტვით 708 კილომეტრამდე მანძილს ფარავს. მას აქვს 579 ცხენის ძალა, სრული ამძრავი, პრემიუმ ინტერიერი და მართვის დამხმარე სისტემები. 

IM LS7 დიდი ზომის SUV-ია, რომელიც ფართო სალონით, ტრანსფორმირებადი სივრცითა და „ნულოვანი გრავიტაციის“ სავარძლებით გამოირჩევა. მოდელი პრაქტიკული არჩევანია მათთვის, ვინც ხშირად მგზავრობს ოჯახთან ერთად და ავტომობილში დიდი სივრცე სჭირდება. 

შერჩევისას ბიუჯეტთან ერთად კონკრეტული ელექტრომობილის უპირატესობებიც გასათვალისწინებელია. ამისთვის ელექტრომობილების ფასები და კომპლექტაციები ერთმანეთს უნდა შეადაროთ. 

რამდენს გადის ელექტრომობილი ერთი სრული დამუხტვით?

სვლის მარაგი ერთ-ერთი ყველაზე მნიშვნელოვანი საკითხია, რომელიც მომხმარებელს ელექტრომობილის შეძენისას აინტერესებს. თანამედროვე მოდელების უმრავლესობა ერთი სრული დამუხტვით 200-დან 350 კილომეტრამდე მანძილს ფარავს. თუმცა IM Motors-ის მოდელების სვლის მარაგი ამ მაჩვენებელს აღემატება. 

მაგალითად, ელექტრო სედანი IM5 ერთი სრული დამუხტვით 710 კილომეტრამდე მანძილს გადის, IM6 და IM LS7 კი 625 კილომეტრამდე მანძილს ფარავს. ზოგადად, ეს მაჩვენებელი ბატარეის მოცულობაზე, მართვის სტილსა და გარემო პირობებზეა დამოკიდებული. 

კვლევების მიხედვით, ევროპელი მძღოლი დღეში საშუალოდ 37 კილომეტრს გადის. თუ ამ მონაცემს თანამედროვე ელექტრომობილების სვლის მარაგს შევადარებთ, ნათლად გამოჩნდება, რომ ქალაქში გადაადგილებისას ავტომობილის დამუხტვა რამდენიმე დღეში ერთხელაც სრულიად საკმარისი იქნება. 

სად და როგორ არის შესაძლებელი ელექტრომობილის დამუხტვა?

ელექტრომობილის დამუხტვა ორი ძირითადი გზით არის შესაძლებელი, კერძოდ, სახლის პირობებში ან საჯარო სადგურებზე.

სახლში სპეციალური დამტენის დამონტაჟებაა საჭირო, რომელიც ჩვეულებრივ ელექტროქსელს უერთდება. დამუხტვის დრო ბატარეის მოცულობასა და დამტენის სიმძლავრეზეა დამოკიდებული და დაახლოებით 9-დან 12 საათამდე მერყეობს. 

საჯარო სწრაფი დამტენების გამოყენებით ეს პროცესი ბევრად ნაკლებ დროს მოითხოვს. მაგალითად, ბატარეის 20%-დან 80%-მდე დამუხტვას დაახლოებით 30-დან 40 წუთამდე სჭირდება. IM Motors-ის მოდელებს ამ მხრივ დამატებითი უპირატესობაც აქვს. 800-ვოლტიანი მაღალი ძაბვის SiC პლატფორმის წყალობით, სწრაფი დამუხტვა კიდევ უფრო ეფექტურად მიმდინარეობს. 

IM Motors-ის ელექტრო ავტომობილები აღჭურვილია CCS2 სტანდარტის დამტენი პორტით, ამიტომ მათი დამუხტვა შესაძლებელია როგორც სახლის, ისე საჯარო დამტენებით. 

რამდენ ხანს ძლებს ელექტრომობილის ელემენტი? 

აშშ-ის განახლებადი ენერგიის ეროვნული ლაბორატორიის, NREL-ის, კვლევის მიხედვით, ზომიერ კლიმატურ პირობებში თანამედროვე ბატარეების საექსპლუატაციო ვადა საშუალოდ 12-დან 15 წლამდეა, ხოლო ექსტრემალურ კლიმატში 8-დან 12 წლამდე. დროთა განმავლობაში ბატარეის ტევადობა თანდათან მცირდება, თუმცა თანამედროვე მოდელებში ეს პროცესი ძალიან ნელა მიმდინარეობს. 

IM Motors Georgia-ში ელექტრომობილის შეძენის შემთხვევაში, მწარმოებლის ოფიციალური გარანტია მოქმედებს: 6 წელი ან 190 000 კილომეტრიანი გარბენი ბატარეასა და ძრავებზე, ხოლო 4 წელი ან 130 000 კილომეტრი სხვა ძირითად აგრეგატებზე, იმის მიხედვით, რომელი პირობა შესრულდება უფრო ადრე. 

რა არის ელექტრომობილის უპირატესობები ტექნიკური სერვისის თვალსაზრისით? 

ელექტრომობილს შიდაწვის ძრავიან ავტომობილთან შედარებით გაცილებით ნაკლები მოვლა სჭირდება, რადგან მასში ბევრად ნაკლები მოძრავი ნაწილია. მას არ აქვს შიდაწვის ძრავის ზეთი, რომელიც პერიოდულად უნდა შეიცვალოს, გამონაბოლქვის სისტემა და ტრადიციული გადაცემათა კოლოფი. რეგენერაციული დამუხრუჭების სისტემა სამუხრუჭე ხუნდების ცვეთასაც ამცირებს. 

რეგულარული ტექნიკური სერვისი, ძირითადად, საბურავების მდგომარეობის, სამუხრუჭე სითხისა და კონდიციონერის ფილტრის შემოწმებას გულისხმობს. იმის გამო, რომ ელექტრომობილების მოვლა მარტივია და ოფიციალური სერვისიც არსებობს, თანამედროვე ელექტრო მანქანები საქართველოში ბევრი მომხმარებლის ინტერესს იწვევს.

რამდენად უსაფრთხოა ელექტრომობილი?

ელექტრომობილების უსაფრთხოებასთან დაკავშირებით ბევრი მითი არსებობს, თუმცა არსებული სტატისტიკა მიუთითებს, რომ ელექტრომობილებში ხანძრის შემთხვევები შედარებით იშვიათია. ამერიკული სადაზღვევო კომპანიების კვლევების მიხედვით, ყოველ 100 000 ელექტრომობილზე ხანძრის მხოლოდ 25 შემთხვევა ფიქსირდება, ბენზინზე მომუშავე ავტომობილების შემთხვევაში კი ეს მაჩვენებელი 1 530-ს აღწევს. 

ამის ერთ-ერთი მიზეზი ბატარეის დაცვისა და მართვის თანამედროვე სისტემებია. ელექტრომობილებში ბატარეა მრავალშრიან დამცავ კორპუსშია მოთავსებული, ხოლო მართვის სისტემა მის ტემპერატურასა და მდგომარეობას მუდმივად აკონტროლებს. 

წვიმაში ელექტრომობილის მართვა და დამუხტვა უსაფრთხოა?

ელექტრომობილის მართვა და დამუხტვა წვიმაში, თოვლში თუ სხვა რთულ ამინდში, მწარმოებლის მითითებების დაცვით, უსაფრთხოა. ბატარეა, დამტენის პორტი და სხვა ელექტრული კომპონენტები ტენიანობისგან სპეციალური დამცავი სისტემებითაა დაცული.

ამასთან, IM Motors-ის მოდელები რთულ ამინდში სტაბილურობის შესანარჩუნებლად დამატებით ტექნოლოგიებსაც იყენებს. მაგალითად, როდესაც ავტომობილის ერთი მხარის ბორბლები გუბეზე, თოვლზე ან სხვა სრიალა ზედაპირზე ხვდება, ჭკვიანი მართვის სისტემა მოცურების რისკს დაახლოებით 80%-ით ავტომატურად ამცირებს.

რთული ამინდისა და მთიანი მარშრუტებისთვის განსაკუთრებით მოსახერხებელია ელექტრო დიდი ჯიპები, ამიტომ აუცილებლად გაეცანით IM LS7-ის კომპლექტაციებს.

რეალურად რამდენად ეკოლოგიურია ელექტრომობილი?

ელექტრომობილის ეკოლოგიურობის შეფასებისას მხოლოდ გამონაბოლქვის არარსებობა არ არის საკმარისი. ელექტრომობილის უპირატესობები გარემოზე ზემოქმედების მხრივ უკეთ ჩანს მაშინ, როდესაც მთლიანი პროცესი – წარმოებიდან ექსპლუატაციის დასრულებამდე – გათვალისწინებულია. 

ბატარეის დამზადება დიდ ენერგიას მოითხოვს, რის გამოც წარმოების ეტაპზე ელექტრომობილის ნახშირბადის კვალი უფრო მაღალია, ვიდრე ბენზინზე მომუშავე ავტომობილისა. თუმცა ექსპლუატაციის პერიოდში ეს სხვაობა თანდათან მცირდება და საბოლოოდ კომპენსირდება. არსებული მონაცემებით, ევროპაში ელექტრომობილი მთელი სასიცოცხლო ციკლის განმავლობაში საშუალოდ 60%-ით ნაკლებ CO₂-ს გამოყოფს, ვიდრე ბენზინზე მომუშავე ტრადიციული ავტომობილი.

აღსანიშნავია, რომ საქართველოში ელექტრომობილით გადაადგილებისას გარემოზე ზემოქმედება შედარებით დაბალია, რადგან ქვეყანაში გამომუშავებული ენერგიის 75%-ზე მეტი ჰიდროელექტროსადგურებში იწარმოება. ამის გათვალისწინებით, ავტომობილის დასამუხტად გამოყენებული ელექტროენერგიის დიდი ნაწილი განახლებადი წყაროდან მიიღება, რაც ექსპლუატაციის პერიოდში გარემოზე ზემოქმედებას ამცირებს.

მანქანის ყიდვა IM Motors-ში მწარმოებლის ოფიციალურ გარანტიასა და სრულ მხარდაჭერას გულისხმობს, ხოლო შოურუმში, რომელიც თბილისში, ბელიაშვილის 131 ნომერში მდებარეობს, შეგიძლიათ პირადად გაეცნოთ IM5-ის, IM6-ისა და IM LS7-ის მოდელებს.

რა უნდა ვიცოდე გადაყიდვის შესახებ?

ელექტრომობილების ბაზარი სწრაფად ვითარდება და მეორადი ავტომობილის ფასი რამდენიმე ძირითად ფაქტორზეა დამოკიდებული. თანამედროვე მოდელები, რომლებსაც სვლის დიდი მარაგი აქვთ, საბაზრო ღირებულებას უკეთ ინარჩუნებენ. ამიტომ უმჯობესია ისეთი ბრენდი და მოდელი შეირჩეს, რომელსაც ხანგრძლივი და მკაფიო საგარანტიო პირობები აქვს.

ამ სფეროში ტექნოლოგიები ძალიან სწრაფად იცვლება. მოდელი, რომელიც დღეს საუკეთესოდ მიიჩნევა, რამდენიმე წელიწადში შესაძლოა ტექნოლოგიურად მოძველდეს. შეძენისას ყურადღება მიაქციეთ ისეთ ბრენდებს, რომლებსაც კარგი რეპუტაცია და გამართული ოფიციალური სერვისი აქვთ.

დაჯავშნეთ ტესტ-დრაივი თქვენთვის სასურველ ავტომობილზე და დაგვისვით ნებისმიერი კითხვა, რადგან ჩვენი კონსულტანტები ყველა მათგანზე ამომწურავ ინფორმაციას მოგაწვდიან.